கூகுளுக்கு பிறந்த நாள் செப்டம்பர் 27.
இணையத்தில் கூகுள்
இல்லையென்றால் எதையும் பார்க்க
முடியாது என்ற நிலை தான்
பெரும்பாலான
பயனர்களுக்கு. அவர்கள், கூகுள்
தேடுபொறியை பயன்படுத்தி தான்,
எல்லா தகவல்களையும் தேடி பெறுவர்.
அப்படிப்பட்ட கூகுள் தேடுபொறிக்கு
இன்று 17வது பிறந்தநாள்.
வழக்கமாக பிரபலங்களின் பிறந்த நாளை
நமக்கு நினைவூட்டும் கூகுள் டூடுல், இன்று தனது
பிறந்த நாளையே டூடுலாக வைத்துள்ளது.
பழைய கணினி திரையில், தொடக்க
காலத்தில் இருந்த கூகுள் லோகோ உடன் கூடிய
முகப்பு பக்கத்தை காண்பிக்கும் டூடுல்
பயனர்களை பழைய நினைவுக்கு அழைத்து
செல்கிறது கூகுள்...
கூகுளுக்கு உண்மையான பிறந்த நாள்
எப்போது ?
கூகுள் பிறந்த நாள் எப்போது என்பதில் பலருக்கு
குழப்பம் ஏற்படலாம். தற்போதைக்கு
செப்டம்பர் 27ந்தேதி தான் கூகுள் பிறந்த
நாள் என்று கூறப்பட்டாலும், அதற்கு
பின்னால் ஒரு சுவாரஸ்யமான தகவல்
உள்ளது. அதனால் தான், லோகோவை
சொடுக்கினால் when is google's
birthday என்று தேடுகிறது கூகுள்...
2005ம் ஆண்டு வரை செப்டம்பர் 7ந்தேதி
தான் கூகுளின் பிறந்த நாளாக
கொண்டாடப்பட்டு வந்தது.
அதன் பின்னர் செப்டம்பர் 27ந்தேதியே
கூகுளின் பிறந்த நாளாக
கொண்டாடப்பட்டு வருகிறது.
google.com என்ற டொமைன்
பெயரை 1997 ஆம் ஆண்டு செப்டம்பர்
15ந்தேதி பதிவு செய்யப்பட்டது.
இருந்தபோது, லாரி பேஜ், சேர்ஜி
பிரின் ஆகியோரால் தொடங்கப்பட்ட
கூகுள், நிறுவனமாக அதன்
செயல்பாடுகள் தொடங்கிய
ஆண்டான 1998 யையே தொடக்க
ஆண்டாக கருத்தில் கொண்டு வயது
கணக்கிடப்படுகிறது.
கூகுள் தனது 4வது பிறந்த நாளை
2002,செப்டம்பர் 27 அன்று
கொண்டாடியது. 5வது பிறந்த
நாளை 2003, செப்டம்பர் 8 அன்றும்,
6வது பிறந்த நாளை 2004, செப்டம்பர் 7
அன்றும், 7வது பிறந்த நாள் 2005,
செப்டம்பர் 26 அன்றும்
கொண்டாடியது.
கருத்துகள் இல்லை:
கருத்துரையிடுக